निर्वाचन क्षेत्रका आलोचक ठेगान लगाउन रास्वपा सांसद गुहारे साइबर ब्युरो, ‘भाग्यो’ भनेर भ्रम फैलाएको जिकिर

काठमाडौं- सामाजिक सञ्जालमार्फत पुराना दल र सरकारलाई प्रश्न तथा आलोचना गर्दै संसद् र सरकारमा पुगेको राष्ट्रिय स्वतन्त्र पार्टी (रास्वपा) लाई आफूमाथि गरिएको प्रश्न बिझाउन थालेको देखिएको छ।

सामाजिक सञ्जालको प्रयोग र प्रभावकै कारण काठमाडौं–२ बाट निर्वाचित रास्वपाका सांसद सुनिल केसीले फेसबुकमा आफ्नो आलोचना र अफवाह फैलाएको भन्दै निर्वाचन क्षेत्रका व्यक्तिविरुद्ध साइबर ब्युरोमा उजुरी दिएका छन्।