एमाले नेतामाथि कारबाही, पार्टीभित्रैबाट विरोध

काठमाडौं । नेकपा एमालेले बुधबार पार्टीका तीन नेतालाई कारबाही गर्‍यो । बुधबार बसेको एमाले सचिवालय बैठकले केन्द्रीय सदस्यद्वय विन्दा पाण्डे र उषाकिरण तिम्सिनालाई ६ महिना जिम्मेवारीमुक्त गर्ने निर्णय गरेको थियो भने पूर्वउपाध्यक्ष भीम रावललाई पार्टीबाटै निष्कासन गरेको थियो ।

सो कारबाहीका बारेमा एमाले पार्टीभित्रै छिटपुट रूपमा विरोधका स्वर सुनिन थालेको छ । राष्ट्रिय सभाकी सांसद एवं पूर्वपराराष्ट्रमन्त्री विमला राई पौड्यालले मनका कुरा खुल्ला जनमानसमा राख्दा कारबाहीमा पर्न नहुने बताएकी छिन् ।