यस्तो छ भोलिको प्रतिनिधिसभा बैठकको सम्भावित कार्यसूची

सङ्घीय संसद् सचिवालयले शुक्रबार आह्वान गरिएको प्रतिनिधिसभा बैठकका लागि सम्भावित कार्यसूची सार्वजनिक गरेको छ। महासचिव पद्मप्रसाद पाण्डेद्वारा हस्ताक्षरित कार्यसूचीअनुसार विभिन्न विधेयक प्रस्तुत गर्ने तथा महालेखा परीक्षकको वार्षिक प्रतिवेदन सदनमा पेस गर्ने कार्यक्रम तय गरिएको छ। बैठक शुक्रबार दिउँसो १ बजे बस्नेछ।

कार्यसूचीअनुसार प्रधानमन्त्री बालेन्द्र शाहको तर्फबाट कानून, न्याय तथा संसदीय मामिला मन्त्री सोबिता गौतमले ‘महालेखा परीक्षकको ६३औँ वार्षिक प्रतिवेदन, २०८३’ प्रतिनिधिसभामा पेस गर्नेछिन्।