रसुवा र नुवाकोटमा ६ सय भैँसी, १५ हजार सुँगुर–बंगुर र २ लाख कुखुरा नष्ट

१ असोज, बुटवल । भोटेकोशी नदीमा आएको विनाशकारी बाढीबाट रसुवा र नुवाकोट क्षेत्रमा मात्रै करिब ६०० भैँसी, १५ हजार सुँगुर–बंगुर र २ लाख व्यावसायिक कुखुरा नष्ट भएको तथ्यांक सार्वजनिक भएको छ ।

बाढी प्रभावित क्षेत्रमा तेस्रो चरणको स्थलगत अनुगमन तथा पशुपन्छी स्वास्थ्य सहयोगका लागि पुगेको नेपाल भेटेरिनरी एशोसिएसन (एनभीए)को टोलीले स्थानीय पशु चिकित्सक, पशु सेवा कार्यालय, संघसंस्था तथा स्थलगत अध्ययनबाट उक्त क्षतिको विवरण संकलन गरेको हो ।