अशोकसँगको सम्बन्धमा किन आयो दरार ? टंक भन्छन्- ‘सडकको बच्चालाई हिरो बनाएर गल्ती गरेँ’

बाल गायकका रूपमा चर्चामा आएका अशोक दर्जीलाई सडकबाट ल्याएर संरक्षण गर्दै संगीत क्षेत्रमा अघि बढाएका संगीतकार टंक बुढाथोकी र अशोक दर्जीबीच अहिले सम्बन्धमा गम्भीर दूरी आएको छ। लामो समयसम्म बाबुछोराजस्तै देखिएको उनीहरूको सम्बन्ध अब व्यक्तिगत संरक्षक र बाल कलाकारको सम्बन्धमा सीमित नरहने टंकको भनाइले स्पष्ट पारेको छ।

‘मन विनाको धन २’ मा अशोकलाई समावेश नगरिएको विषयबाट सुरु भएको कुराकानीमा टंकले अशोकसँग आफ्नो अहिले कुनै व्यक्तिगत सम्पर्क नरहेको खुलाएका छन्। ‘झिंगेदाउ २’को प्रिमियरमा सञ्चारकर्मीसँग कुरा गर्दै उनले अशोकसँग ‘हेलो–हाई’समेत नभएको बताए। अशोकले भने आफ्ना दाजु टिका बुढाथोकीसँग सम्पर्क गर्ने गरेको उनको भनाइ छ।