फाइबरले कसरी पेटलाई हल्का बनाउँछ ?

फाइबर यस्तो प्रकारको कार्बोहाइड्रेट हो, जसलाई हाम्रो पाचन प्रणालीले पूर्ण रूपमा पचाउन सक्दैन । त्यसैले यो शरीरबाट प्रायः पाचननली हुँदै बाहिर निस्कन्छ । यही विशेषताका कारण फाइबरले पेट र आन्द्राको स्वास्थ्यमा महत्वपूर्ण भूमिका खेल्छ ।

फाइबर दुई प्रकारका हुन्छन्– घुलनशील र अघुलनशील । घुलनशील फाइबर पानीसँग मिसिएर जेलजस्तो पदार्थ बनाउँछ । यसले पाचन प्रक्रियालाई केही ढिलो बनाउन, रगतमा चिनीको मात्रा नियन्त्रणमा सहयोग गर्न तथा कोलेस्टेरोल व्यवस्थापनमा भूमिका खेल्न सक्छ । ओट्स, जौ, स्याउ, सुन्तला, सिमी, केराउ जस्ता खानेकुरामा घुलनशील फाइबर पाइन्छ ।