रेड बुलको मातृ कम्पनी टीसीपी ग्रुपद्वारा नेपालका बाढीपीडितलाई १० लाख थाई भाट सहयोग

काठमाडौँ । ऊर्जा पेय (एनर्जी ड्रिंक) 'रेड बुल'को मातृ कम्पनी टीसीपी ग्रुपले नेपालका बाढी तथा पहिरो प्रभावितहरूका लागि १० लाख थाई भाट (सहयोग रकम) प्रदान गरेको छ। नेपालमा रेड बुलको संयुक्त उद्यम साझेदार 'सारस बेभरेजेज'सँगको सहकार्यमा टीसीपी ग्रुपले थाई रेडक्रस सोसाइटीमार्फत नेपाल रेडक्रस सोसाइटीलाई सो राहत रकम हस्तान्तरण गरेको हो।

नेपालमा स्थानीय रूपमै रेड बुल उत्पादन तथा बिक्री गर्दै आएको सारस बेभरेजेजमार्फत टीसीपी ग्रुपले लामो समयदेखि आफ्नो लगानी, उत्पादन र रोजगारीमा योगदान दिँदै आएको छ। विपद्को यस घडीमा उपलब्ध गराइएको सहयोगले नेपाली बजार र समुदायप्रतिको दायित्वलाई थप मजबुत बनाएको कम्पनीले जनाएको छ।