अमेरिकामा भारतीय नागरिकमाथि ‘धर्म सोधेर’ १५ पटक चक्कु प्रहार

अमेरिकाको युटा राज्यमा एक भारतीय नागरिकमाथि उनको धार्मिक आस्थाका कारण चक्कु प्रहार भएको छ । सञ्चार माध्यमहरूका अनुसार पीडितमाथि करिब १५ पटक चक्कु प्रहार गरिएको छ ।

यो घटना वेस्ट भ्याली सिटीस्थित भ्याली सिटी मलमा सोमबार दिउँसो भएको हो । मलमा कार्यरत भारतीय नागरिक सैयद सोहैलुद्दीनमाथि पीटर माइकल लार्सन नामक व्यक्तिले चक्कु प्रहार गरेका हुन् ।