कजाकिस्तान विमान दुर्घटना : ३८ जनाको मृत्यु, दुई बच्चासहित २९ जना जीवितै

काठमाडौं । अजरबैजानको यात्रुवाहक विमान दुर्घटनामा ३८ जनाको मृत्यु हुँदा २९ जना बाच्न सफल भएका छन् । ६७ जना सवार रहेको विमान कजाकिस्तानको अकताउ सहर नजिकै बुधबार दुर्घटना भएको थियो ।

कजाकिस्तानका उपप्रधानमन्त्री कनात बोजुम्बायेवका अनुसार दुई बच्चासहित २९ जनाको जिवितै उद्दार गरिएको हो । त्यसरी उद्दार गरिएकामध्ये ११ जनाको अवस्था भने गम्भीर रहेको उपप्रधानमन्त्री कनातले बताएका छन् ।