मोजाम्बिकमा जेल तोडेर १५ सय कैदी भागे, दंगा हुँदा ३३ जना मारिए, १५ घाइते

काठमाडौं । मोजाम्बिकको राजधानीस्थित एक जेलभित्र भएको संदिग्ध दंगामा ३३ जना मारिएका छतन् भने १५ जना घाइते भएका छन् । दंगाको मौका छोपेर १५ सय जनाभन्दा बढी कैदी भने भागेका छन् ।

प्रहरीका उच्च अधिकारी बर्नार्डिनो राफेलका अनुसार मापुटोको जेलबाट भागेकामध्ये १५० कैदीलाई प्रहरीले पुनः नियन्त्रणमा लिएको छ । मोजाम्बिकमा अक्टुबरको विवादित चुनावलाई लिएर यतिबेला अशान्त छ । जसले लामो समयदेखि सत्तारुढ पार्टी फ्रिलिमोको सत्तामा रहिरहने म्यान्डेड दिएको छ । विपक्षीहरुले भने चुनावमा धाँधली भएको जिकिर गरेका छन् ।