हेल्प नेपाल नेटवर्कले २५औं वार्षिकोत्सव मनाउँदै

काठमाडौं । नेपालमा शिक्षा, स्वास्थ्य तथा आपतकालीन मानवीय सहायताको क्षेत्रमा काम गर्दै आइरहेको कल्याणकारी संस्था, हेल्प नेपाल नेटवर्कले यही पौष १३ गते शनिबार आफ्नो स्थापनाको २५औं वार्षिकोत्सव मनाउन लागेको छ ।

सन् १९९९ मा बेलायतमा स्थापित नेटवर्कका झन्डै एक दर्जन मुलुकमा शाखाहरू रहेका छन् भने नेपालमा केन्द्रीय कार्यालय रहेको छ । “मातृभूमिका लागि महिनामा एक पाउण्ड” भन्ने नारासहित सन् १९९९ मा बेलायतबाट हेल्प नेपाल नेटवर्क स्थापना गरिएको थियो ।