बाढीमा बेपत्ता पत्रकार थामीको अन्त्येष्टि गर्ने निर्णय

काठमाडौँ । रसुवा बाढीका क्रममा बेपत्ता भएका पत्रकार टेकराज थामी अहिलेसम्म नभेटिएपछि शनिबार अन्त्येष्टि गरिने भएको छ । परिवारको सल्लाह र निर्णयबमोजिम पशुपति आर्यघाटमा अन्त्यष्टि गर्न लागिएको नेपाल थामी समाजले जानकारी दिएको हो ।

नयाँ पत्रिकामा कार्यरत पत्रकार थामी कार्यालयबाट चार दिनका लागि बिदा लिएर रसुवातर्फ गएका थिए । आफू एक कार्यक्रममा सहभागी हुन केरुङ जाने उनले परिवारलाई बताएका थिए । उनी चीनतर्फ पुगे-नपुगेको पुष्टि हुन नसकेको नयाँ पत्रिकाले जनाएको छ ।