९ लाख घुस लिँदै गर्दा नापी अधिकृत रंगेहात समातिए

छूट जग्गा दर्ता सिफारिसको मिसिल पठाइदिन सेवाग्राहीसँग नौ लाख रुपैयाँ घुस लिइसकेको अवस्थामा नापी अधिकृत डिल्लीबहादुर वलीलाई अख्तियार दुरुपयोग अनुसन्धान आयोगले नियन्त्रणमा लिएको छ।

नापी कार्यालय डिल्लीबजारअन्तर्गत ३ नम्बर नापी टोली माछापोखरीका टोली प्रमुखसमेत रहेका वलीविरुद्ध बिहीबार विशेष अदालतबाट म्याद थप गरी भ्रष्टाचार मुद्दामा विस्तृत अनुसन्धान अघि बढाइएको छ।