बागमतीका ५ सहकारीमा २२ अर्बको मागदाबी, ऋण असुली १० करोड पनि पुगेन

हेटौँडा । बागमती प्रदेश सरकारले समस्याग्रस्त घोषणा गरेका ५ वटा सहकारीका बचतकर्ताहरूको अर्बौँ रुपैयाँ जोखिममा परेको छ । प्रदेश सरकारको सहकारी तथा गरिबी निवारण मन्त्रालयले समस्याग्रसत घोषणा गरेका ५ वटा सहकारीको मागदाबी नै ५ अर्ब बढी रहेको छ ।

प्रदेश सरकारले समस्याग्रस्त घोषणा गरेका ५ वटा सहकारीहरूको व्यवस्थापनको काम गरिरहेको समस्याग्रस्त सहकारी व्यवस्थापन समितिको कार्यालयका अनुसार सो सहकारीका बचतकर्ताले आफ्नो निक्षेप फिर्ता पाउनका लागि २२ अर्ब ३८ करोड ११ लाख ३१ हजार १९९ रुपैयाँ मागदाबी गरेका छन् ।