कोरिया कन्सर्टबारे ‘नेपथ्य’ को खुलासा– ‘हाम्रो उद्घोषक सधैँ अमृत गरुङ नै हुन्, हामी हाम्रो कन्टेन्ट अरुलाई छुन समेत दिदैँनौ’

काठमाडौं– नेपाली संगीतको चर्चित ब्यान्ड नेपथ्यको दक्षिण कोरियामा आयोजना हुन लागेको कन्सर्टलाई लिएर सामाजिक सञ्जालमा विभिन्न टिप्पणी र दावी सार्वजनिक भएपछि कार्यक्रमको विषय थप चर्चामा आएको छ । आगामी २५ सेप्टेम्बरमा दक्षिण कोरियाको किन्टेक्स (इल्सान) मा ‘नेपथ्य लाइभ इन सउल २०२६’ आयोजना हुँदैछ । नेपथ्यको आधिकारिक वेबसाइटमा समेत कन्सर्टको मिति, स्थान र समय सार्वजनिक भइसकेको छ ।

कन्सर्टलाई लिएर पछिल्लो समय कार्यक्रमको उद्घोषक, आयोजकबीचको समन्वय, ब्यान्डका सदस्यको भिसा लगायतका विषयमा सामाजिक सञ्जालमा विभिन्न दावी भइरहेका छन् । यस विषयमा सांसद हर्क साम्पाङले समेत सामाजिक सञ्जालमार्फत प्रश्न उठाएपछि वहस थप चर्किएको हो । साम्पाङले कार्यक्रममा पत्रकार विश्व लिम्बुको उद्घोषणको विषयदेखि विवादबीच नेपथ्य कन्सर्टमा सहभागी हुन जानेरनजानेसम्मका विषयमा प्रश्न उठाउँदै सामाजिक सञ्जालमा धारणा सार्वजनिक गरेका छन् ।