सम्पदा संरक्षणमा सेनाः थाल्यो आलिताल सरसफाई अभियान

डडेल्धुरा । नेपाली सेनाले सम्पदा संरक्षण अभियानको थालनी गरेको छ । जिल्ला सदरमुकाम खलंगामा रहेको ऐतिहांसिक ढुंगे अमरगढी किल्लामा सरसफाई गरि पुनः निर्माणका लागि बृहत छलफल पछि प्राकृतिक आलिताल सरसफाई अभियान सञ्चालन गरेको छ ।

अमगढी नरपालिका १ दहमा रहेको नेपाली सेनाको रणबम गणले शनिबार देखि तीन दिने आलिताल सरसफाई अभियान सञ्चालन गरेको छ । आलिताल गाउँपालिका संगको समन्वयमा सेनाले शनिबार डडेल्धुराका सात वटै स्थानीय तहका प्रमुख, उप प्रमुख, प्रमुख जिल्ला अधिकारी, नेपाल प्रहरी, शसस्त्र प्रहरी बल लगायत सरोकारवाला निकायलाई तालमै आमन्त्रण गरि सरसफाई अभियानको थालनी गरेको छ ।