युरोपको भिसा लागेको पासपोर्ट थानकोटबाट बरामद, छुटाउन ६ लाख माग्ने दुईजना पक्राउ

काठमाडौँ । संगठित गिरोहले युरोप जाने भिसा भारतबाट लगाएर काठमाडौँ पठाउने गरेको तथ्य फेला परेको छ । उपत्यका अपराध अनुसन्धान कार्यालयले बरामद गरेको २१ थान पासपोर्टबारे अनुसन्धान गर्दा सो तथ्य खुलेको हो ।

उपत्यका अपराध अनुसन्धान कार्यालयबाट खटिएका प्रहरीले असार ६ मा चन्द्रागिरि नगरपालिका–२ नागढुंगाबाट २१ थान पासपोर्ट बरामद गरेका थिए ।