धुवाँमण्डलमुनि काठमाडौं

काठमाडौं विश्वको नम्बर एक प्रदूषित सहर बनेर चर्चामा आएको छ । सधैं ‘टप टेन’ भित्र रहने काठमाडौं अहिले पहिलो नै भएको छ । अबका दिनमा काठमाडौं रोगको घर हुँदै गएको छ । वायु प्रदूषणको कुरा गरेर साध्य छैन । नांगा आँखाले स्पष्ट देखिनेगरी धूलो र धुवाँका कण वायुमण्डलमा मडारिइरहेका छन् ।

त्यसो त काठमाडौं आफैंमा धूले सहर हो । कहिल्यै छाडेन धुवाँ र धुलोले काठमाडौंलाई † अहिले त ‘घुँडामाथि पिलो थप’ भएको छ । मुलुकभर लागेको डढेलोले यसमा साथ दिएको छ । हावा चलेको छैन । पानी परेको छैन । उकुसमुकुस छ, उपत्यका † भन्दाखेरि वायुमण्डल तर यथार्थमा उपत्यकाको आकाश धुवाँमण्डल रहेको छ । त्यसमा धूलोमण्डल थपिएको छ । सास फेर्न नै समस्या छ ।