२०२५ सालमै सुरु गरिएको थियो स्वास्थ्य बीमा,  मंगलबार अवधारणा भित्रिएको ५५ वर्ष पुग्दै

काठमाडौं- नेपालमा स्वास्थ्य बीमाको सुरुवात २०२५ सालमै गरिएको पाइएको छ। तत्कालीन बडामहारानी इन्द्र राज्यलक्ष्मी शाहको ४१ औं जन्मोत्सवका अवसरमा स्वास्थ्य बीमा कार्यक्रम सुरु भएको पाइएको हो। जसअनुसार नेपालमा स्वास्थ्य बीमाको अवधारणा भित्रिएको मंगलबारदेखि ५५ वर्ष पूरा हुँदैछ।

२०२५ साल भदौ ५ गते बुधबार त्यसको उद्घाटन गरिएको भदौ ६ गतेको गोरखापत्रमा उल्लेख छ। खोज पत्रकार गजेन्द्र बुढाथोकीले सार्वजनिक गरेको तत्कालीन समयको गोरखापत्रमा तत्कालीन महारानी प्रिन्सेप शाहले उद्घाटन गरेकी थिइन्।