आठबिसकोटका ३६ करार स्वास्थ्यकर्मीले फिर्ता लिए राजीनामा

सुर्खेत । रुकुम पश्चिमको आठबिसकोट नगरपालिकामा सेवा–सुविधा वृद्धि तथा विभेद अन्त्यको माग राख्दै आन्दोलनमा उत्रिएका करार स्वास्थ्यकर्मी र नगरपालिकाबीच सहमति भएको छ । सहमतिसँगै स्वास्थ्यकर्मीहरूले सामूहिक रूपमा दिएको राजीनामा फिर्ता लिएका छन् । अब स्थगित स्वास्थ्य सेवा पुनः नियमित रूपमा सञ्चालन हुने भएको छ ।