फेस अफ एसवाईको विजेता बनिन् मलैसा आचार्य

काठमाडौँ — एसवाई इन्टरटेन्मेन्टको आयोजनामा सम्पन्न ‘फेस अफ एसवाई २०८२ (ब्रान्ड एम्बेसडर हन्ट)’ प्रतियोगितामा मलैसा आचार्य विजेता भएकी छन् । शुक्रबार सम्पन्न ग्रान्ड फिनालेमा कुल दुई करोड रुपैयाँभन्दा बढी पुरस्कार वितरण गरिएको आयोजकले जनाएको छ।

एसवाई प्यानल, एसवाई कस्मेटिक, एसवाई बजार र एसवाई युपिभिसीको ब्रान्ड प्रचारका लागि आयोजना गरिएको प्रतियोगिता नेपालकै पहिलो ठूलो ब्रान्ड एम्बेसडर हन्ट हो। एसवाई प्यानल नेपालका निर्देशक विमलराज गोसाईले यस प्रतियोगिताको पुरस्कार नेपालकै मिस नेपाल प्रतियोगिताभन्दा बढी रहेको बताए।