४८ वर्षदेखि अधुरो लुम्बिनी गुरुयोजना, अब बृहत्तर लुम्बिनीलाई विश्वस्तरीय पर्यटन गन्तव्य बनाउने बहस

बुटवल — बुद्ध जन्मस्थल लुम्बिनीलाई केन्द्रमा राखेर विश्वभरका बौद्ध धर्मावलम्बी र पर्यटकलाई जोड्ने महत्वाकांक्षी योजना अघि बढिरहेका बेला लुम्बिनीको समग्र पर्यटन विकासबारे अन्तर्राष्ट्रिय बहस हुने भएको छ।

बृहत्तर लुम्बिनी क्षेत्र विकास परियोजनाको कार्यान्वयन, सम्पदा संरक्षण, पर्यटक व्यवस्थापन, पर्यटन पूर्वाधार तथा सेवा विस्तार र स्थानीय समुदायको आर्थिक सहभागिताका विषयमा शुक्रबारदेखि लुम्बिनीमा अन्तर्राष्ट्रिय सम्मेलन आयोजना हुँदैछ।