कृषि र पशुजन्य उपजको निर्यातबाट कर्णालीमा झन्डै ४ अर्ब भित्रियो

सुर्खेत । कर्णाली प्रदेशले साढे ३ अर्बभन्दा बढीको कृषिवस्तु निर्यात गरेको छ । प्रदेशको भूमि, व्यवस्था, कृषि तथा सहकारी विकास मन्त्रालयको रेकर्डअनुसार गत आर्थिक वर्षमा ३ अर्ब ६४ करोड ६ लाख रुपैयाँ बराबरको कृषिजन्य उपज प्रदेश बाहिर निर्यात भएको हो ।

खाद्यान्न, दलहन, फलफूल, अदुवा, बेसार, आलु, मह र च्याउ गरी ७७ हजार ४९५ मेट्रिक टन कृषि सामग्री निर्यात गरिएको मन्त्रालयले जनाएको छ । पशुजन्य उपज निर्यातबाट २८ करोड ७३ लाख रुपैयाँ भित्रिएको छ ।