मनमोहन सिंहको निधनबारे के भन्यो अस्पतालले ?

काठमाडौं । भारतीय पूर्व प्रधानमन्त्री मनमोहन सिंहको निधनबारे एम्स अस्पतालले एक आधिकारिक नोट जारी गरेको छ । उसले दिएको जानकारी अनुसार पूर्वप्रधानमन्त्री सिंहलाई अस्पताल ल्याएको दुई घण्टा नपुग्दै निधन भएको हो ।

उनलाई स्थानीय समय अनुसार राती ८ बजेर ६ मिनेटमा अस्पताल ल्याइएकामा ९ बजेर ५१ मिनेटमा मृत घोषित गरिएको थियो । ९२ वर्षीय सिंह बिहीबार घरमै अचानक बेहोस भएपछि एम्सको इमरजेन्सीमा भर्ना गरिएकामा कयौँ कोशिश गर्दा पनि केही सिप नलागेको अस्पतालको आधिकारिक नोटमा उल्लेख छ ।