बक्सअफिसमा फिल्म ‘कान्तारा’को एकसेएक रेकर्ड, हिन्दी डबमा ‘केजीएफ’भन्दा धेरै कमाई

ऋषभ शेट्टी निर्देशित, लिखित तथा अभिनीत फिल्म ‘कान्तारा’ले बक्सअफिसमा एकसेएक रेकर्ड बनाइरहेको छ । १४ अक्टोबरमा रिलिज भएको फिल्मले दिपावलीको अवसरमा रिलिज भएको बलिउडको दुई ठूला फिल्म ‘राम सेतु’ र ‘थ्यांक गड’लाई समेत बक्सअफिसमा कडा टक्कर दिन सफल भएको थियो । यो फिल्मले हिन्दी डबमा मात्रै ५० करोडको आँकडा पार गरिसकेको छ ।

भारतीय ट्रेड एनालिस्ट तरण आदर्शका अनुसार, फिल्मको हिन्दी डबले प्रदर्शनको चौंथो हप्ताको आइतवारसम्म ६२ करोड ४० लाख कमाई गरेको छ । चौंथो हप्तामा पनि फिल्मको कमाई कमजोर छैन । यही शुक्रवार प्रदर्शनमा आएको बलिउड फिल्म ‘फोन भूत’लाई समेत ‘कान्तारा’ले कमाईमा उछिनेको छ । फिल्मको हिन्दी डबले ७५ देखि ८० करोडसम्म कमाई गर्न सक्ने देखिन्छ ।