चेतन अयडी हत्या प्रकरण : ६ जनालाई जन्मकैदको फैसला, १८ जनालाई सफाइ

कैलाली । बाजुराका चेतन अयडीको हत्या आरोपमा ६ जनालाई जन्म कैदको फैसला सुनाइएको छ । बाजुरा जिल्ला अदालतका न्यायाधीश ताराप्रसाद डाँगीको इजलासले दुई दिनको सुनुवाइपछि बिहीबार थुनामा रहेका ७ जना मध्ये ६ जनालाई जन्मकैदको सजाय सुनाएको हो।

यही मुद्दामा प्रतिवादी बनाइएका १८ जनाले सफाइ पाएका छन् । अदालतले पुर्पक्षका लागि थुनामा रहेका धनराज थापा, जंग भन्ने शेरबहादुर अयडी, खेमराज अयडी, सागर अयडी, लोकेश अयडी र जीवन अयडीलाई जन्म कैदको फैसला सुनाएको हो ।