‘विशेषमा आएका र नआएकालाई फरक व्यवहार हुँदैन, सबैलाई एउटै चस्माले हेर्छौं’ : महामन्त्री घिमिरे

काठमाडौं । नेपाली कांग्रेसका महामन्त्री गुरुराज घिमिरेले आगामी असोज ३ गतेदेखि सुरु हुने पार्टीको १५ औं महाधिवेशन प्रक्रियामा सबै नेता तथा कार्यकर्तालाई सहभागी हुन आग्रह गरेका छन् ।

“मनमा कुनै पनि प्रकारको दुविधा नराखेर, विशेष र अविशेषको कुनै पनि प्रकारको मानसिकता नराखेर, हिजो विशेषमा आएको र नआएको भन्ने कुनै भावना नराखेर देशभरीका सबै साथीहरूलाई असोज ३ गते सुरु हुने महाधिवेशनको प्रक्रियामा सहभागी हुन आह्वान गर्दछु,” उनले भने।