कुमारी बैंकद्वारा ३ करोड ३९ लाख बराबरको सहयोग: नगदसहित अत्याधुनिक ड्रोन पनि दिइयो

काठमाडौं । कुमारी बैंक लिमिटेडले देशका विभिन्न जिल्लामा आएको बाढी तथा प्राकृतिक प्रकोपबाट प्रभावित समुदायको राहत, उद्धार र पुन:स्थापनाका लागि ३ करोड ३९ लाख रुपैयाँ बराबरको आर्थिक तथा प्राविधिक सहयोग उपलब्ध गराएको छ ।

आफ्नो संस्थागत सामाजिक उत्तरदायित्व (CSR) अन्तर्गत ३ करोड रुपैयाँ ‘प्रधानमन्त्री दैवी प्रकोप उद्धार कोष’ मा जम्मा हुने गरी अर्थमन्त्रीलाई चेक हस्तान्तरण गरिएको छ । खोज तथा उद्धार कार्यलाई थप प्रभावकारी र आधुनिक बनाउन करिब ३९ लाख रुपैयाँ बराबरका उच्च प्रविधियुक्त उपकरण प्रदान गरिएको बैंकले जनाएको छ ।