चेतन अयडी हत्या प्रकरण : ६ जनालाई जन्मकैद, १८ जनाले पाए सफाइ

कैलाली– बाजुराका चेतन अयडी हत्या प्रकरणमा जिल्ला अदालतले ६ जनालाई जन्मकैदको सजाय सुनाएको छ भने मुद्दामा प्रतिवादी बनाइएका १८ जनाले सफाइ पाएका छन्।

बाजुरा जिल्ला अदालतका न्यायाधीश ताराप्रसाद डाँगीको इजलासले दुई दिनको सुनुवाइपछि आएको फैसलाले घटनामा संलग्नताको आरोपमा थुनामा रहेका प्रतिवादीमध्ये ६ जनालाई जन्मकैद र १८ जनालाई सफाइ दिएको हो।