पूर्ण क्षमतासहित पोखरामा सिचुआन जहाजको सफल अवतरण र उडान

पोखरा । अन्तर्राष्ट्रिय विमानस्थल निर्माणका सम्पूर्ण प्रक्रिया पूरा गरेर पोखरामा सुविधासम्पन्न अन्तर्राष्ट्रिय विमानस्थल संचालनमा आएको २ वर्ष बितेको छ । गत १ जनवरी, २०२३ मा तत्कालीन प्रधानमन्त्री पुष्पकमल दाहाल प्रचण्डले भव्य समारोहबीच विमानस्थल उद्घाटन गरेका थिए ।

विमानस्थल उद्घाटनताका निकै ठूलो आशा र उत्साह भए पनि यो विमानस्थल पछिल्लो समय ऋणको भारले थिचिँदै गएको छ । किनकि यहाँबाट नियमितरुपमा अन्तर्राष्ट्रिय उडान हुन सकेकै छैन । केही चार्टर्ड उडानमा मात्र सीमित यो विमानस्थलले आन्तरिक उडान भने नियमित गरेको छ ।