विवादास्पद छाया सेन्टरबाट भीएफएस ग्लोबल सर्ने

काठमाडौं । ठमेलमा रहेको विवादास्पद छाया सेन्टरबाट भीएफएस ग्लोबल सर्ने भएको छ । इटालीको महावाणिज्य दूतावाससँगको साझेदारीमा काम गर्ने व्यावसायिक कम्पनी भिसा सुविधा सेवा (भीएफएस) ग्लोबलले छाया सेन्टरबाट बाहिरिने निर्णय लिएको हो । यो इटालीको भिसाका लागि आवेदन दिनेहरूका लागि खोलिएको हो । जग्गाको विषयलाई लिएर निर्माणको तयारीदेखि विवादमा रहेको सो ठाउँलाई भीएफएसले मानवअधिकारको विषय जोडेर हट्ने निर्णय गरेको हो ।

यो निर्णय स्वीस नेसनल कन्ट्याक्ट पोइन्ट फर रेस्पोन्सिबल बिजनेस कन्डक्ट (एनसीपी)मा दायर गरिएको औपचारिक उजुरी पछि आएको हो । कम्पनीले विवादास्पद सम्पत्तिसँग यसको संलग्नतामा मानवअधिकार उल्लंघन गरेको आरोप लगाएको छ ।