बालेनलाई मेयर्स फोरमको चुनौती– आफ्नो अभिव्यक्ति प्रमाणित गरेर देखाऊ

काठमाडौं । काठमाडौं उपत्यका मेयर्स फोरमले काठमाडौं महानगरका मेयर बालेन शाहले दिएको अभिव्यक्ति अशोभनीय, अमर्यादित, खेदपूर्ण र भ्रमपूर्ण रहेको बताएको छ ।

गएको मंगलबार काठमाडौंमा भएको बैठक बहिस्कार गर्दै बैठकको सभापतित्व गरेका ललितपुरका मेयर चिरिबाबु महर्जनको अपमान गरेको भन्ने समाचार सार्वजनिक भएपछि बालेनले सामाजिक सञ्जालमार्फत आफूले कसैको अपमान नगरेको बताएका थिए ।