गैरेले ल्याए मनैछुने मुटु रेटिन्छ

काठमाडौं । बैंकले ऋण रोकेको बेला मुलुकमा मिटर ब्याजको बिगबिगी बढेको छ । जसका कारण धेरै जना घरबारविहीन भएका छन् । यही समस्यालाई गायक कृष्ण गैरेले गीतमा उतारेका छन् । गैरेको गीत मुटु रेटिन्छमा देशमा चलिरहेको मिटरब्याजीका कारण गरिब जनताको कसरी उठिवास भइरहेको छ भन्ने कथालाई उठान गरिएको छ ।

यो गीतको भिडियो यतिबेला सार्वजनिक गरिएको छ । कृष्ण गैरे र सुनिता बुढा क्षेत्रीको स्वरमा यो गीत तयार गरिएको छ । जसमा हुम गैरेको शब्द रहेको । गीतको संगीत संयोजन विनोद बाजुरालीले गरेका हुन् ।