सन् १९५८ को विश्वकप फाइनलमा पेलेले लगाएको जर्सी ६७ करोडमा बिक्री

न्यूयोर्क । सन् १९५८ को फिफा विश्वकप फाइनलमा ब्राजिलका महान् फुटबलर पेलेले लगाएको जर्सी न्यूयोर्कमा आयोजित सोधबीज कम्पनीको लिलामीमा ४.९ मिलियन अमेरिकी डलर (करिब ६७ करोड नेपाली रुपैंया) मा बिक्री भएको छ ।

यो फुटबल इतिहासमा लिलामीमार्फत बिक्री भएको दोस्रो सबैभन्दा महँगो जर्सी हो । यसअघि सन् १९८६ को विश्वकपमा इंग्ल्यान्डविरुद्ध चर्चित ‘ह्यान्ड अफ गड’ गोल गर्दा अर्जेन्टिनाका डिएगो म्याराडोनाले लगाएको जर्सी सन् २०२२ मा ७.१ मिलियन पाउन्ड (करिब एक अर्ब ३१ करोड नेपाली रुपैंया)मा बिक्री भएको थियो ।