विद्युत प्राधिकरणको हेटौंडास्थित जिन्सी व्यवस्थापन शाखाबाट ११ करोडको सामान गायब

हेटौंडा। नेपाल विद्युत् प्राधिकरणको हेटौंडास्थित जिन्सी व्यवस्थापन शाखाबाट सात करोड रुपैयाँ बराबरको सामान हराएको पाइएको छ । हेटौंडाको जिन्सी व्यवस्थापन शाखाको तत्कालीन प्रमुख बुद्धकुमार कार्कीले वर्तमान प्रमुख रमेश पराजुलीलाई सामान बुझाउने क्रममा अभिलेख अनुसारको सामान नभेटिएको पाइएको हो ।

सामान हराएपछि वास्तविकता पत्ता लगाउन गठन भएको छानबिन समितिले यसमा संलग्न व्यक्तिलाई कारबाहीको सिफारिस समेत गरेको छ । विद्युत् प्राधिकरणको खरिद व्यवस्थापन महाशाखाबाट हेटौंडामा रहेको केन्द्रीय जिन्सी व्यवस्थापन शाखामा दाखिला भएका विद्युतीय सामान कर्मचारीको लापरबाहीका कारण हराएपछि प्राधिकरणले केन्द्रीयस्तरमा छानबिन समिति बनाएको थियो ।