त्रिविको ५२ औँ दीक्षान्तका लागि अनलाइन आवेदन खुला

काठमाडौं । त्रिभुवन विश्वविद्यालय (त्रिवि) को ५२ औँ दीक्षान्त समारोहमा सहभागी हुन इच्छुक योग्य विद्यार्थीले असोज १ गतेदेखि अनलाइन आवेदन दिन पाउने भएका छन् । त्रिवि परीक्षा नियन्त्रण कार्यालयले बिहीबार सूचना जारी गर्दै दीक्षान्त समारोहका लागि आवेदन खुला गरेको हो ।

कार्यालयका अनुसार २०८२ असार १ गतेदेखि २०८३ जेठ ३१ गतेसम्म स्नातक, स्नातकोत्तर वा एमफिल तह उत्तीर्ण गरी ट्रान्सक्रिप्ट लिएका विद्यार्थी आवेदनका लागि योग्य हुनेछन् । यही अवधिमा विद्यावारिधि (पीएचडी) पूरा गरेका विद्यार्थीले पनि आवेदन दिन सक्नेछन् ।