प्रिमियर लिग : आर्सनल दोस्रो स्थानमा उक्लियो, ब्राइटन र ब्रेन्टफोर्डले अंक बाँडे

काठमाडौं । आर्सनल इंग्लिश प्रिमियर लिगको दोस्रो स्थानमा उक्लिएको छ । शुक्रबार राती भएको खेलमा इप्सविच टाउनलाई १–० ले हराएको आर्सनल अंक तालिकाको दोस्रो स्थानमा उक्लिएको हो ।

आर्सनललाई विजयी गराउन काई हार्वट्जले गरेको गोल नै निर्णायक बन्यो । यो सँगै आर्सनलको १८ खेलबाट ३६ अंक भएको छ । एक खेल कम खेलेको लिभरपुल भने ४२ अंकसहित शीर्ष स्थानमा छ भने बिहीबार राती १८औ पालीको खेल गुमाएको चेल्सी ३५ अंकसहित तेस्रो स्थानमा छ ।