हिमालय एयरलाइन्सले काठमाडौँ-शेन्जेन सिधा हवाई उडान गर्ने

हिमालय एयरलाइन्सले काठमाडौँ-शेन्जेन सिधा हवाई उडान सेवा सुरु गर्ने भएको छ।

काठमाडौँको त्रिभुवन अन्तर्राष्ट्रिय विमानस्थल र चीनको प्रमुख प्रविधि तथा व्यापारिक केन्द्र शेन्जेनस्थित बाओआन अन्तर्राष्ट्रिय विमानस्थलबीच हप्तामा दुई दिन नियमित उडान सञ्चालन गर्न लागेको हो। हिमालय एयरलाइन्सले यही जेठ २१ गते बिहीबारबाट काठमाडौँ-शेन्जेन उडान सुरु गर्न लागेको हो।