अटिजमको पीडा बोकेको गौँथली आजबाट नेपालसँगै विदेशबाट एकसाथ

निर्देशक डा. कपिल रिजालद्वारा निर्देशित फिल्म गौँथली आज शुक्रवारदेखि नेपालसँगै विभिन्न देशबाट एकसाथ प्रदर्शनमा आउने भएको छ। अटिजम, पारिवारिक सम्बन्ध र नेपाली ग्रामीण समाजको यथार्थलाई केन्द्रमा राखिएको फिल्मले प्रदर्शनअघि नै प्रिमियरबाट सकारात्मक प्रतिक्रिया बटुलेको छ।

राजधानीमा हालै आयोजित प्रिमियरमा फिल्म हेरेका दर्शकले यसको कथावस्तु, प्रस्तुति शैली र कलाकारको अभिनयको खुलेर प्रशंसा गरेका थिए। फिल्मले २०६० सालअघिको नेपाली ग्रामीण समाजमा महिलाले भोग्नुपरेका बाध्यता, पारिवारिक संवेदना र सामाजिक विभेदलाई मार्मिक ढंगले प्रस्तुत गरेको छ।