ताइवानको नाममा चीनको श्वेतपत्र : पृथकतावादी गतिविधिमा शून्य सहनशीलता, आवश्यक परे बल प्रयोग 

बेइजिङ । चीनले ताइवानको ‘पृथकतावादी गतिविधि’का लागि शून्य सहनशीलता नीति अपनाउने बताएको छ ।

बुधबार ताइवान सम्बन्धी श्वेतपत्र जारी गर्दै चीनले आवश्यक परे स्वशासित टापुलाई बलपूर्वक लिन सक्ने जनाएको छ । अमेरिकी प्रतिनिधि सभाकी सभामुख नान्सी पेलोसीले ताइवानको संक्षिप्त एवं विवादास्पद भ्रमण गरेको कारण चीनले अप्रत्यासित रूपमा ताइवान वरपरका जलीय क्षेत्रमा व्यापक सैनिक अभ्यास सुुरु गरेयताको बेइजिङको ताइवानलाई यो पहिलो चेतावनी हो ।