अमेरिका–भारत सम्बन्ध : रणनीतिक साझेदारी कि लुप्त प्रतिद्वन्द्विता ?

आफ्नो पछिल्लो भारत भ्रमणमा अमेरिकी विदेशमन्त्री मार्को रुबियोले भारतलाई ‘अमेरिकाको सबैभन्दा महत्त्वपूर्ण सामरिक साझेदार’ भनेका छन् । उनको यस्तो बढाई–चढाइसहितको अभिव्यक्ति एक हिसाबले अपेक्षित नै थियो ।

त्यस्तो टिप्पणी गर्दैगर्दा रुबियोले दुई मुलुकबिचका साझा मूल्य मान्यताहरू, ‘जनता–जनताबिचको सम्बन्ध’ तथा ‘नयाँ शताब्दीलाई नै परिभाषित गर्न सक्ने मुख्य मुद्दाहरु’ मा रणनीतिक सहकार्य लगायत विषयसमेत उल्लेख गरेका थिए । तर सधैँ जसो सुनिने यस्तो साझेदारीको भाषाको अन्तर्यमा भने खोक्रोपना बढ्दै गएको छनक प्रस्ट अनुभव गर्न सकिन्छ ।