सत्ता गठबन्धनमा सिट बाँडफाँटको सकस: शुक्रबार पनि जुट्न सकेन सहमति

काठमाडौं – आगामी मंसिर ४ गते हुने प्रदेश तथा प्रतिनिधि सभाको निर्वाचनका लागि सिट बाँडफाँटको विषयलाई लिएर रस्साकस्सीमा रहेका सत्ता गठबन्धनका दलहरु शुक्रबार पनि सहमतिमा पुग्न सकेनन्। सिट बाँडफाँटको विषयलाई लिएर शुक्रबार दिनभरजसो गठबन्धनका दलहरुबीच छलफल चल्यो। तर सहमति जुट्न सकेन।

प्रधानमन्त्रीको सरकारी निवास बालुवाटारमा बसेको बैठकमा दलहरु पुरानै अडानमा रहेपछि सहमति हुन नसकेको हो। दिनभर बालुवाटारमा औपचारिक र अनौपचारिक छलफल भए पनि सहमती हुन नसकेको एक नेताले नेपाल लाइभलाई जानकारी दिए।