काठमाडौँको चाबहिलमा लेनदेनको विवादमा एकजनामाथि छुरा प्रहार

काठमाडौँको चाबहिलमा लेनदेनको विवादमा एकजनामाथि छुरा प्रहार भएको छ । छुरा प्रहारबाट कालिकोट घर भएका मिनराज शाही घाइते भएका छन् ।

साउन २३ मा चाबहिलस्थित सडकमा छुरा प्रहार भएको जिल्ला प्रहरी परिसर काठमाडौँका एसपी नवराज अधिकारीले जानकारी दिए । छुरा प्रहारमा संलग्न आरोपमा जोरपाटी बस्ने सुजन शाक्यलाई प्रहरीले पक्राउ गरेको छ । मुख्य आरोपी फरार छन् ।