अतिशय लोभ

एउटा लोभी मुसाले टम्म मकैले भरिएको एउटा टोकरी देख्यो । उसले त्यो सबै मकै खाने विचार गर्‍यो र टोकरीमा एउटा सानो प्वाल बनाएर भित्र पस्यो । पेट भरिएर तृप्त नहुँदासम्म उसले मकै खायो । बेसरी अघाएपछि उसले अब बाहिर निस्कनु पर्‍यो भन्ने विचार गर्‍यो । उसले त्यस सानो प्वालबाट बाहिर निस्कन धेरै कोसिस गर्‍यो, तर कसै गरी निस्कन सकेन ।

किनकि, उसले बढी नै मकै खाएको थियो जसले गर्दा पेट अटसमटस भएर फुलेको थियो । मुसा अत्तालिएर रुन थाल्यो । त्यसै समय त्यहाँबाट एउटा खरायो कतै गइरहेको रहेछ । उसले मुसाको चिच्याहट सुन्यो र सोध्यो, ‘अरे मुसा भाइ तिमी किन रुँदै छौ हँ ।’ मुसाले खरायोलाई भन्यो, ‘मैले एउटा सानो प्वाल बनाएँ र मकै खान यो मकैदानभित्र छिरेँ । तर, अब म यो प्वालबाट बाहिर निस्कन सकिरहेकै छैन ।’