असदको अवशेषसमेत मेटाउन सिरियामा व्यापक सुरक्षा कारबाही

काठमाडौं । सिरियाली नयाँ प्रशासनले पूर्व राष्ट्रपति बसर अल असद शासनका अवशेष समेत बाँकी नराख्ने भन्दै सुरक्षा कारबाही सुरु गरेको छ । प्रशासनले मुलुकका थुप्रै ठाउँमा कारबाही चलाएको सिरियाली समाचार एजेन्सी सानाले जनाएको छ ।

उत्तर पश्चिमी तटको लताकिया शहरमा शनिबार मात्रै ठूलो संख्यामा सफाई अभियान चलेको बताइन्छ । अल असदलाई समर्थन रहेको अलावाइट समुदायमा समेत यो अभियान पुगेको छ । असदको मिलिसियासँग जोडिएको उपस्थितिबारे बाहिर आएको रिपोर्टको जवाफमा कारबाही गरिएको सिरियाली अधिकारीहरुले बताएका छन् ।