विपक्षी अडानले संघीय संसद् अवरुद्ध

प्रधानमन्त्री बालेन्द्र शाहले नेपाल-भारत सीमा विवादसम्बन्धी दिएको अभिव्यक्ति सच्याउनुपर्ने माग राखेर प्रतिपक्षी दलहरूले सोमबार संसद्का दुवै सदनको बैठक सञ्चालनमा अवरोध पुर्‍याएका छन्।

अवरोधका कारण प्रतिनिधिसभा र राष्ट्रियसभा बैठक कार्यसूचीमै प्रवेश नगरी स्थगित भए। प्रधानमन्त्री शाहले आइतबार प्रतिनिधिसभा बैठकमा भारतले नेपालको जग्गा मात्र होइन, नेपालले पनि भारतको जग्गा धेरै ठाउँमा मिचेको अभिव्यक्ति दिएका थिए। प्रतिपक्षी दलहरूले प्रधानमन्त्रीको उक्त अभिव्यक्ति कूटनीतिक रूपमा अपरिपक्व भएकाले नसच्याइएसम्म सदन चल्न नदिने बताएका छन्।