वैदेशिक रोजगारीको लोभमा नेपाली बेचिँदै, भारतदेखि कम्बोडियासम्म स्क्याम र शोषणको जालो

काठमाडौं : आकर्षक तलब र सहज कामको प्रलोभनमा परेर विदेश पुग्ने नेपालीहरू मानव बेचबिखन, अनलाइन स्क्याम, जबर्जस्ती श्रम तथा मानसिक र शारीरिक शोषणको सिकार बन्ने क्रम बढ्दो छ।

पछिल्लो पटक भारतको उत्तर प्रदेशस्थित कुशीनगरमा बन्धक बनाइएका ४ सय ५३ नेपालीको उद्धार भएपछि वैदेशिक रोजगारीका नाममा फैलिएको अन्तरदेशीय ठगी सञ्जाल पुनः उजागर भएको छ। उत्तर प्रदेशको कुशीनगरमा बन्धक बनाइएका ती ४ सय ५३ जना नेपालीलाई उद्धार गरी यही शनिबार नेपाल फर्काइएको छ। उनीहरूलाई आर्थिक प्रलोभन देखाएर भारत पुर्‍याइएको र पछि शारीरिक तथा मानसिक यातना दिँदै जबर्जस्ती नेटवर्किङ व्यवसायमा लगाइएको थियो।