गाजामा खाद्य सामग्री लिन गएका प्यालेस्टाइनीमाथि फेरि गोली प्रहार, ३२ जनाको मृत्यु

जेरुसेलम। गाजामा खाद्य सामग्री लिन गएका प्यालेस्टाइनीहरूको समूहमाथि इजरायली सैनिकले शनिबार फेरि गोली चलाएको छ । यस घटनामा कम्तीमा ३२ जनाको मृत्यु भएको छ भने दर्जनौँ घाइते भएका छन्।

समाचार संस्था रोयटर्सका अनुसार इजरायली सेनाले भने सन्दिग्ध व्यक्तिहरूलाई देखेपछि उनीहरूलाई रोक्नका लागि हावामा गोली चलाएको बताएको छ। तर, घाइतेहरूका अनुसार सेनाले चेतावनी स्वरूप नभई सीधै मानिसहरूमाथि गोली चलाएको थियो।