पर्वतमा जिप दुर्घटना हुँदा वडासदस्यको मृत्यु, दुई जना घाइते

काठमाडौँ । पर्वत जिल्लाको कुश्मा नगरपालिका–१४ आर्थरडाँडाखर्कमा गएराति जिप दुर्घटना हुँदा एक जना वडासदस्यको मृत्यु भएको छ। जिप सडकबाट करिब ५०० मिटर तल खसेको थियो।

जिल्ला प्रहरी कार्यालयका सूचना अधिकारी प्रहरी निरीक्षक दिनेश पौडेलका अनुसार आर्थरडाँडाखर्कस्थित वडा कार्यालयबाट चरीपानीतर्फ जाँदै गरेको ग१ज ५८६५ नम्बरको जिप अँधेरीनेटा भन्ने स्थानमा दुर्घटना भएको हो ।