विराट कोहली बेंगलुरु टिमको ‘धड्कन’

अहमदाबाद । रोयल च्यालेन्जर्स बेंगलुरुले आइतबार लगातार दोस्रो सिजन इन्डियन प्रिमियर लिग (आईपीएल) क्रिकेटको उपाधि जित्दा त्यसमा विराट कोहलीले ७५ रन बनाएका थिए । गुजरात टाइटन्सविरुद्धको जितमा अविजित त्यही इनिङ्स निर्णायक रह्यो । यस्तोमा उनलाई बेंगलुरु टिमको ‘धड्कन’ भन्न सुरु भएको छ ।

जितका लागि बेंगलुरुले १ सय ५६ रन पछ्याएको थियो । जितसम्म पुग्दा ३७ वर्षीय कोहली मैदानमै थिए । जित अन्तर थियो, ५ विकेट । कोहलीलाई के पनि भन्ने गरिन्छ भने उनी ‘चेज मास्टर’ हुन् । छक्का प्रहार गर्दै उनले जितको औपचारिकता पूरा गरेका थिए । ट्वान्टी–२० क्रिकेटको यस प्रतियोगितामा उनले यो सिजन ६ सय ७५ रन बनाए ।